讚美神
Sunday, February 26, 2006實在忍唔住要讚美神!
平時我既禱告都係在心中默默咁祈禱,
但係今日真係忍唔住要開口讚美這位奇妙既上帝!
已經唔係第一次啦,
係我有疑慮, 想知道答案既時候,
我就會問神, 想找出答案.
但係問心, 我真係唔係好有信心, 神係咪真係聽到呢?
祂是神, 感覺上係高高在上的.. 佢會聽見嗎..
但係感謝神, 佢冇嫌棄過我信心既不足,
即使係再小既信心, 再微弱既聲音佢都聽得見!
令我再一次感受到神係幾咁真實,
信心既大小並不會影響結果, 只要係神既安排,
無論信心係大定係細, 根本對神冇影響
因為影響力最大既唔係渺小既人, 而係神!
每次我有疑問, 好想知一d有關神既問題,
神就會係最佳既時候提供最正確既答案
或者我所得到既答案唔係最完滿,
但係對我唻講肯定係最適合
因為太詳盡我又未必有耐性去了解,
太早俾答案我又一定唔明
但現在所有野都配合得好完美,
所有野都設計得恰到好處.
孔子話做老師既要因才施教,
但係試問世間上, 有邊個老師能真正知道學生心中最需要既係咩呢?
唯有神可以見到我地個心, 清楚了解我地
神真係好奇妙!
絕對唔可以用"巧合"唻解釋, 或都否認佢既真實
我實在唔識用咩詞語唻讚美神先係最適當
祢實在係偉大既神!!
posted by Sharon @ 12:04 pm
0 Comments:
Post a Comment
<< Home